Чурапчы нэһилиэгэр “Чэбдик” доруобуйаны чэбдигирдии түмсүү -50С тымныыны аахсыбакка ойбон алларынан сөтүөлүүллэр. Быйылгы Кириһиэнньэни эмиэыраас ууга чомполоон көрүстүлэр.
“ “Чэбдик” түмсүү 1994 сыллаахха үлэтин саҕалаабыта. Биһиги учууталбыт Афанасий Дмитриевич Дорофеев тымныынан дьарыгар олоҕун 25-тэн тахса сылын анаабыта. Оҕонньорбут үөрэҕэ салҕанар. Бөөлүүн Кириһиэнньэнэн диэммит ойбоҥҥо киирэн доруобуйабытын чэбдигирдэн таҕыстыбыт. Тымныыны айылҕаны кытары ситимнээн нэһилиэнньэҕэ, Саха сирин олохтоохторугар пропаганда ыытабыт. Уу элбэх информацияны ылынарын туһанабыт.
Сарсын сарсыарда Өймөкөөн нэһилиэгэр 9 буолан маастар-кылаас ыыта айанныахтаахпыт. Түмсүү сүрүн үлэтэ оҕонньор үөрэҕин тэнитиигэ сытар. Ол киһиргээн дуу, бэрт былдьаһа дуу айанныыр буолбатахпыт. Онно таарыйа сахалыы ырыалары, тойугу, олоҥхону, хомус матыыбын иһитиннэриэхпит”, — диэн “Чэбдик” түмсүү салайааччыта Николай Романович Дьячковскай сэһэргиир.
Ааптар: Сэмэн Жендринскэй, Чурапчы улууһа
