Чурапчы улууһун Ивановтар дьиэ кэргэттэрэ бүтүн Арассыыйатааҕы «Сыл ыала» (Семья года) күрэххэ «Эдэр ыал» номинация хаһаайыннарынан буоллулар. Бу туһунан СИАҕа үлэ министиэристибэтин пресс-сулууспата иһитиннэрэр.
Бүтүн Арассыыйатааҕы күрэх быйыл бэһис төгүлүн биэс номинациянан ыытыллыбыт. «Элбэх оҕолоох ыал» номинацияҕа (72 сайаапка), «Дьиэ кэргэн – үгэһи тутуһааччы» (79), «Арассыыйа көмүс ыала» (55), «Эдэр ыал» (66), «Тыа сирин ыала» (70) — барыта 342 ыал кыттыбыт.
Ивановтары таһынан Саха сириттэн күрэххэ Тааттаттан Кузьминнар, Горнайтан Вензеллэр, Мэҥэ-Хаҥаластан Афонскайдар кыттыбыттар.
