22 От ыйа 22.07
  • 27°
  • $ 88,02
  • 96,04

Чурапчы Хатылылара «Тыаны харыстыахха» аахсыйаҕа кытталлар

Читайте нас на
Яндекс Новости
ЯДВ

«Тыаны харыстыахха» бүтүн Россиятааҕы аахсыйа чэрчитинэн Болот Боотур аатынан Хатылы орто оскуолатын үөрэнээччилэрэ мас олортулар, диэн Саҥа олох суруйар.

Аахсыйаҕа Чурапчытааҕы айылҕа харыстабылын салалтатыттан Василий Колесов кэлэн оҕолорго айылҕаны харыстыылларын туһунан, тыа баһаара улахан өттө дьон сэрэҕэ суох сыыһа-халты туттарыттан тахсарын тоһоҕолоон эттэ.

Санатан эттэххэ, Хатылы оскуолатыгар экологическай иитии алын кылаас учуутала Айталина Чичигинарова салалтатынан киэҥ далааһыннаахтык ыытыллар. Көҕөрдүү оскуола таһыгар эрэ буолбакка, нэһилиэк таһымыгар ыытылынна, ол курдук успуорт саала таһа хатыҥ маһынан киэркэйдэ.

Аахсыйа сыала манан бүппэт. Педагог уонна уһуйааччы сылынан Хатылы нэһилиэгин бэтэрээн учууталларын тиэргэннэригэр Дмитрий, Анна Чечебутовтарга, Вячеслав Деляевка, Екатерина Ефремоваҕа, Иван Билюкиҥҥа, Анна Николаеваҕа оҕолор тиийэн хатыҥ олордон, дьон-сэргэ сүргэтэ көтөҕүлүннэ.

Оксана Игнатьева, Саҥа олох

Следите за самым важным и интересным в Telegram-канале и WhatsApp-группе ЯСИА
Тутаах тыллар