29 Кулун тутар 29.03
  • -11°
  • $ 92,26
  • 99,71

Чурапчы Арыылааҕар мантан ыла ыраастаммыт ууну иһиэхтэрэ

Читайте нас на
Яндекс Новости
ЯДВ

Арыылаахха иһэр уунан хааччыллыы боппуруоһа урут-уруккуттан сытыытык турар. Чугастааҕы эбэ тураҥнаах буолан, сүөһү эрэ уулууругар сөптөөх, оннооҕор хаһаайыстыбаҕа да туһамматтар. Онон олохтоохтор кыһынын иһэр муустарын алаас күөллэриттэн ылан хаһааналлар. Бу күннэргэ улуус кырыы сытар нэһилиэгэр иһэр ууну ыраастыыр оборудование таҥыллан туруорулунна.

Иһэр уу доруобуйа чэгиэн буолуутугар улахан суолтаны ылар. Арыылаах нэһилиэгин баһылыга Алексей Лобанов «Саха фильтр» тэрилтэ үлэһиттэрин кытта кэпсэтиһэн, бу күннэргэ нэһилиэгэр иһэр ууну ыраастыыр оборудованиены аҕалан таҥан туруортарда. Тыа сирин нэһилиэктэригэр маннык кэскиллээх бырайыак үлэҕэ киириитэ биир бастакы, сонун саҕалааһын буолар.

Тэрилтэ салайааччыта Эдвин Пестряков билиһиннэрбитинэн, бу тэрил чааска 250 лиитэрэ ууну ыраастыыр кыахтаах. Оттон сууккаҕа ааҕан таһаардахха, 6 куб уу ыраастанан, иһэргэ бэлэм буолар. Онон чугаһынан үрэҕэ, өрүһэ суох кыра нэһилиэк олохтоохторо биир сүрүн кыһалҕалара быһаарыллан олоххо киирбититтэн үөрэллэр, “Cаха фильтр” үлэһиттэригэр махталлара улахан.

Анна Захарова

Саҥа олох

Следите за самым важным и интересным в Telegram-канале и WhatsApp-группе ЯСИА
Тутаах тыллар