От ыйын 9 күнүгэр экологическай кэтээн көрүү Нерюнгритааҕы кэмитиэтигэр Чульман өрүһэ киртийбитин туһунан иһитиннэрии киирбитэ. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Быһылаан буолбут сиригэр Нерюнгритааҕы кэмитиэт инспиэктэрдэрэ баран өрүстэн уу анаалыһын ылбыттара. Силиэстийэ тэриллибитэ.
От ыйын 13 күнүгэр Чульмаҥҥа түһэр Дежневка үрэхтэн хаттаан уу анаалыһын ылтара. Тастан көрүүгэ уу чох быылынан, араас эттиктэринэн киртийбитэ көстөр.
Бүгүн Нерюнгритааҕы кэмитиэт инспиэктэрдэрэ улуус прокуратуратын, рыбнадзор бэрэстэбиитэллэрин кытары өрүһү киртиппит дьону быһаарыыга эбии үлэлиэхтэрэ.
This post was published on 14.07.2020 13:01 13:01