14 От ыйа 14.07
  • 16°
  • $ 87,74
  • 95,76

«Чолбон» сурунаалы Силиэстийэлиир изоляторга ааҕыахтара

16:25, 04 июля 2018
Текст:
Читайте нас на
Яндекс Новости
ЯДВ

Дьокуускайдааҕы 1 №-дээх Силиэстийэлиир изоляторга уонна холуонньаларга библиотекалардаахтар. Онно кинигэттэн саҕалаан, хаһыакка-сурунаалга тиийэ бааллар, анаан суруттараллар. 


Өрөспүүбүлүкэтээҕи «Чолбон» уус-уран сурунаал көҕүлээһининэн, биир үтүө күн накаастабылы толорор уорганнарга бэртээхэй түгэн буолла: бу сурунаал сүрүн эрэдээктэрэ, Саха сирин Суруйааччыларын сойууһун чилиэнэ, суруналыыс Данил Макеев уонна «Аар тайҕа» булчуттарга аналлаах хаһыат сүрүн эрэдээктэрэ Геннадий Бечеряков Силиэстийэлиир изолятор библиотекатыгар 450-тан тахса сурунаалы, хаһыаты туттардылар.

РФ Накаастабылы толорор федеральнай сулууспатын Саха сиринээҕи управлениетын иитэр үлэҕэ отделениетын начальнига, ис сулууспа подполковнига Аян Стручков бу туһалаах бэлэхтэригэр эрэдээктэрдэргэ истиҥник махтанна.

Силиэстийэлиир изоляторга хаайыллан олорооччулар сахалыы үчүгэй тыллаах-өстөөх, өйү-санааны, дууһаны байытар сурунаалы, сэргэх хаһыаты дуоһуйа ааҕыахтара турдаҕа.

Вера МАКАРОВА, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА