Аллайыахаҕа СӨ бырабыыталыстыбатын отчуотун кэннэ хас да быһаарыы ылылынна. Бастатан туран, саҥа канализационнай-ыраастыыр эбийиэги (КОС) Чокурдаахха тутар туһунан сорудах буолла диэн, СИА-ҕа тустаах пресс-сулууспа иһитиннэрэр.
Билигин Чокурдаахха үлэлиир канализационнай-ыраастыыр тутуу туруга мөлтөх. 1995 сыллааҕы тутуу саахалланар туруктаах уонна чөлүгэр түһэриллэр кыаҕа суох.
СӨ ОДьКХ тэрилтэ салайааччыта Виталий Чикачёв, иһитиннэрбитинэн, билигин 800 куубу сууккаҕа оҥорон таһаарар эбийиэк тутуутун бырайыактыыр-сметалыыр докумуона оҥоһуллар, уопсай суумата 250 мөл.солк.
«Бөһүөлэк экологиятыгар уонна нэһилиэнньэ олоҕор-дьаһаҕар кутталлаах. Онон бастатан туран бу боппуроуһу быһаарабыт. Бастакы икки ыйга экспертизаны бүтэрэн, 2020 сыл от ыйын 1 күнүгэр федеральнайдааҕы бюджеттан үбүлэниигэ сайаапка түһэриллиэҕэ«, — диэтэ бырабыыталыстыба бэрэссэдээтэлэ Владимир Солодов.
This post was published on 16.03.2020 12:34 12:34