20 Атырдьах ыйа 20.08
  • 13°
  • $ 59,13
  • 59,39

Чокурдаахха 13 кыбартыыралаах дьиэни сыл бүтүүтэ үлэҕэ киллэриэхтэрэ

Аллайыаха улууһун Чокурдааҕар хаарбах дьиэттэн дьону көһөрүү бырагырааманан 13 кыбартыыралаах олорор дьиэ тутуллар. 2022 сыл бүтүүтэ үлэҕэ киллэрэр соруктаахтар. Ол туһунан өрөспүүбүлүкэ премьера Андрей Тарасенко тутуу былаһааккатыгар тиийэ сылдьан эттэ. 

Икки этээстээх дьиэ Гагарин аатынан уулуссаҕа тутуллар, иэнэ 600-тэн тахса кв. м. Бэдэрээччит  «КСК Лидер» кыһыҥҥы суолунан тутуу матырыйаалын миэстэтигэр тириэрдибит. Билигин холлоҕос тутуллар, регион сүрүн пресс-сулууспата суруйар.

Оройуоҥҥа барыта 44 элбэх кыбартыыралаах дьиэни көһөрөр былаанаахтар. Уопсай иэн 17 тыһ кв. м. Барыта хаарбаҕынан биллэриллэн, көтүрүллэргэ быһаарыллыбыттар. Чокурдаахха, Оленегорскайга уонна Чкаловка бааллар. Билигин бу дьиэлэргэ 1000 киһи олорор.

Хаарбах дьиэттэн дьону көһөрүү өрөспүүбүлүкэ салалтатын хонтуруолугар тутуллар. 2025 сылга диэри Саха сиригэр мөлүйүөнтэн тахса кв.м. иэннээх саахалланар туруктаах дьиэттэн дьону көһөрөр былааннаахтар.

Следите за самым важным и интересным в Telegram-канале и WhatsApp-группе ЯСИА
0
0