Саха сирин боксердара Арассыыйа чемпионатыгар кытталлар. Бүгүн, алтынньы 3 күнүгэр, Читаҕа алта ыйааһыҥҥа киирсиилэр саҕаланыахтара.
Михаил Варламов (57 кг) Тываттан төрүттээх Баян-Херел Дапый-Оолы кытары рингэҕэ көрсүөҕэ. Финал чиэппэригэр тахсар иһин киирсии буолуоҕа.
Николай Григорьев (51 кг) бастакы киирсиитигэр чечен боксерын Магомед Азиевы кытта тахсыаҕа. Айтал Дьяконов (63,5 кг диэри) утарсааччытынан Токиоҕа буолбут олимпиада кыттыылааҕа, Европа оонньууларын үрүҥ көмүс мэтээлин кыайыылааҕа Оренбургтан төрүттээх Габил Мамедов буолуоҕа. Иккис күрэхтэһиигэ Назар Андреевтан (80 кг диэри) тахсыаҕа утарсааччытынан — Москваттан Расул Алиев буолар.
Василий Егоров (51 кг диэри) киирсиитэ күүтүллэр эрээри, утарсааччыта Белгородтан сылдьар Сардбек Таджибаев бэйэтин бастакы кыргыһыытыгар эчэйиини ылбыт. Василий финал чиэппэригэр Ахтем Закиров (Крым) эбэтэр Мухаммад Исмаилов (Новосибирскай) кытары тахсыаҕа диэн, сүүмэрдэммит хамаандалары бэлэмнээһин өрөспүүбүлүкэтээҕи киинигэр иһитиннэрдилэр.
This post was published on 03.10.2022 11:03 11:03