«Чистая Арктика» – Арктика территориятын уонунан сылларга мунньуллубут тимиртэн ыраастааһын буолар. 2021 сылтан үлэлиир. Билигин 10 Арктика регионугар хамсааһын барар.
Саха сиригэр бырайыак 2021 сыл атырдьах ыйын 25 күнүгэр Булуҥ оройуонун Тиксии бөһүөлэгиттэн саҕаламмыта. Федеральнай бырайыак волонтердарын, олохтоох нэһилиэнньэ уонна Россия оборуонаҕа министиэристибэтин күүһүнэн 300 туонна тимир хомуллан, таска таһаарыллыбыта. 2021 сылтан саҕалаан, волонтердар 1 600 туонна тимири ыраастаатылар, 35 гектар сир хомулунна, ол иһигэр 2024 сылга рекорд олохтоммута — 700 туонна дьаһаллыбыта.
Быйыл хамсааһын эрдэ стартаата, «Муус Устар» ыччат бэстибээлин кэмигэр. Волонтердар Саха сирин Арктикатын алта улууһугар үлэлиир былааннаахтар: Булуҥ оройуонун Тиксиитэ уонна Ньайбата, Анаабыр Сааскылааҕар, Дьааҥы Баатаҕайыгар уонна Эһэ-Хайатыгар, Аллайыаха Чокурдааҕар, Усуйаана Усть-Куйга, Депутатскай уонна Нижнеянскай бөһүөлэктэригэр уонна Абый Белай Горатыгар.
«Чистая Арктика» бырайыакка манна киирэн куоластыахха сөп, сигэни баттаа.
This post was published on 04.04.2025 10:19 10:19