“Саҥа энэргэтиичэскэй эбийиэк Билибинскэй АЭС уот атыылаһыытын солбуйан, уоту кэмчилиири уонна ойдом турар улуус уокка көдьүүһүн күүһүрдүөҕэ” – диэн бастакы вице-премьер бэлиэтиир.
Билигин үлэ иккис түһүмэҕэ бара турар, ол иитинэн массыына кыһыҥҥы суолунан өссө 1 060 туонна таһаҕаһы тиэриэрдэллэр. Таһаҕаһы таһыыга 40-тан тахса массыына сыһыарыллыбыт.
Баһаары утары резервуардар ууларын саппааһыгар аналлаах монолитнай тимир-бетон фундаменын оҥоруу, былаһаакка иһинээҕи ааһар уонна көмө технологическай тутууга аналлаах былаһаакканы оҥоруу номнуо бүппүт. Административнай-бытовой дьиэ, машиннай саала уонна уматык, арыы бэлэмниир блок тимир тирэхтээх араамаларын таҥмыттар. Итиэннэ тутуу тиэхиньикэтэ киирэригэр, сүөкэнэригэр ирдэнэр күрүөтүн сороҕун бүтэрбиттэр.
Былырыын Томпо улууһун Тополинай, Өлүөхүмэ улууһун Дабаан, Урицкай, Саҥыйахтаах, ону тэҥэ, Өймөкөөн улууһун Өймөкөөн уонна Орто Балаҕан сэлиэнньэлэригэр 0,8 МВт ВИЭ-генерацияны ааҕан туран, 2,9 МВт уопсай кыамталаах АГЭК алта эбийиэгин үлэҕэ киллэрбиттэрэ, суруйда Ил Дархан уонна Бырабыыталыстыба пресс-сулууспата.
This post was published on 07.03.2025 12:46 12:46