25 От ыйа 25.07
  • 16°
  • $ 86,55
  • 94,38

Чэпчэтиллибит куортамҥа ким тиксиэн сөбүй?

17:13, 28 июня 2018
Текст:
Читайте нас на
Яндекс Новости
ЯДВ

Еdersaas.ru сайтка таһаарбыт, Дьокуускайга «Ипотека уонна куортамҥа бэриллэр дьиэ» диэн инники күөҥҥэ тутуллар бырайыак чэрчитинэн, чэпчэтиллибит сыананан 24 кыбартыыраны биэрэллэрин туһунан ыстатыйабытын дьон улаханнык сэргээтэ.

Еdersaas.ru

Чэпчэтиинэн туһанааччылар ахсааннарыгар маҥнайгынан 1 группалаах инбэлииттэр, ыарахан туруктаах ыарыһах оҕолоох ыаллар киирэллэр. Ити испииһэккэ сотору кэминэн устудьуоннар уонна эдэр исписэлиистэр эбиллиэхтэрэ. Бүгүҥҥү туругунан, ырыынак сыанатыттан намыһах төлөбүргэ Каландаришвили уулусса 25 А уонна Богдан Чижик 31 №-гэр баар икки дьиэни куортамҥа биэрэллэр.

Бырайыак сүрүн сыала-соруга – бүддьүөт харчытын туһанан, дьону табыгастаах уонна толору хааччыллыылаах дьиэнэн быстах кэмҥэ хааччыйыы. Дойду бэрэсидьиэнэ Владимир Путин ол туһунан ыам ыйынааҕы ыйааҕар эппитэ.

Богдан Чижик аатынан уулусса 31-с дьиэтигэр биир хостоох, миэбэллээх, бытовой тиэхиньикэлээх 15 кыбартыыраны чэпчэтиллибит сыананан, 14 000 солк., уларсаллар. Маннык кыбартыыралары 1 гр. инбэлииттэр уонна Дьокуускайга өр кэмҥэ эмтэнэ кэлбит  ыарахан туруктаах ыарыһах оҕолоох ыал куортамныахтарын сөп.

СӨ Бырабыыталыстыбатын бэрэссэдээтэлин солбуйааччы Игорь Никифоров этэринэн, чэпчэтиинэн туһанар дьон испииһэгин кэҥэтиэхтээхтэр. «Испииһэккэ эдэр исписэлиистэри уонна идэ ылар орто, үрдүк үөрэх устудьуоннарын киллэрэр санаалаахпыт», — диир кини.

Дьокуускайга «Ипотека уонна куортамҥа бэриллэр дьиэ» диэн инники күөҥҥэ тутуллар бырайыак 2017 с. үлэлиир. Сакаасчыт – тутуу уонна архитектура министиэристибэтэ, ону олоххо киллэрээччи Өрөспүүбүлүкэтээҕи ипотечнай ааҕыныстыба. Бу сыалга 191 мөл. солк үп көрүллэн, ити хампаанньаҕа бэрилиннэ.

Сэҥээрбит дьон тустаах министиэристибэ дьиэ-уот бэлиитикэтин салаатыгар 42-00-15 эрийэн билсиэххитин, эбэтэр https://minstroy.sakha.gov.ru/ сайтка киирэн көрүөххүтүн сөп .

 

Марианна ТЫРТЫКОВА, “Саха сирэ” хаһыат, edersaas.ru

 

0

0
Следите за самым важным и интересным в Telegram-канале и WhatsApp-группе ЯСИА