Саха сирин чэпчэки атлетикаҕа сүүмэрдэммит хамаандатын лидердара Айаал Сивцев уонна Саргылан Семёнов Россия чемпионатыгар кыттыахтара, илиилэригэр-атахтарыгар хааччахтаах спортсменнары кытта илин-кэлин түсүһүөхтэрэ.
Саха атлеттара Россия стартарыгар кыһыл көмүс мэтээллэринэн бэйэлэрин «копилкаларын» толорорго дьулуһуохтара. Ол туһунан хамаандалары бэлэмниир киин иһитиннэрдэ, суруйар ЯСИА.
Россия Кубога бэс ыйын 23–28 күннэригэр Чебоксарыга ыытыллыаҕа. Айаал Сивцев ядро анньыытыгар уонна үҥүү быраҕыытыгар кыттыаҕа. Саргылан Семёнов 60 м спринт сүүрүөҕэ, маны сэргэ 400 м стартка тахсыаҕа.
Бу куоракка от ыйын 7 — 12 күннэригэр Россия чемпионата ыытыллыаҕа. Айаал ядро анньыытыгар, диискэ уонна үҥүү быраҕыытыгар лидердааһынын бигэргэтиэҕэ. Саргылан 100, 200 уонна 400 м сүүрүөҕэ.
Күрэхтэһии балаҕан ыйыгар буолуохтаах аан дойду чемпионатыгар талыы быһыытынан ыытыллар.
This post was published on 09.06.2025 18:03 18:03