Бүгүн сылгыһыт күнэ. Ил Дархан тыа хаһаайыстыбатын сайыннарыыга анаммыт ыйааҕар олоҕуран, өрөспүүбүлүкэҕэ сылгыһыт идэтигэр үөрэтэр кииннэр арыллаллар.
Бүгүн Ньурба улууһун Чаппандатыгар өрөспүүбүлүкэтээҕи сылгыһыт күнэ ыытыллар. Манна сылгыны иитиигэ анал үөрэхтээх дьону бэлэмниир киин арылынна.
Миниистир Александр Атласов соруктары билиһиннэрбитинэн, сылгы ахсаанын 209 тыһыынча төбөҕө тириэрдиллиэхтээх, сылгы баазалара тутуллуохтаахтар, сылгыһыттары үөрэтэр өссө эбии үс киин тэриллиэхтээх.
Саха сирэ төрүт дьарыгын сайыннаран, олохтоох бородууксуйаны дэлэтэр соруга билиҥҥи кэм ирдэбилэ буолла.
