29 Кулун тутар 29.03
  • -15°
  • $ 92,26
  • 99,71

Чөркөөхтөөҕү култуура сынньалаҥ киинин бастакы сыбаайата туруорулунна

10:12, 13 июня 2021
Текст:
Читайте нас на
Яндекс Новости
ЯДВ

Ытык Чөркөөххө 2021 сыл бэс ыйын 12 күнэ Бэлиэ күнүнэн буолла. Хас да сыл күүппүт, туруорсубут норуоту түмэр, сайдыыны саргылыыр тутуулара саҕаланна. Чөркөөхтөөҕү култуура сынньалаҥ киинин бастакы сыбаайата туруорулунна.


Тутууну ООО » Эко- Строй» салайааччы Иванов А.А. ылынан үлэтин саҕалаата. Бу бэлиэ түгэн Арассыыйа күнүн чэрчитинэн саҕаламмыта саха норуотун чулуу уола П.А.Ойуунускай аатын өссө төгүл дуоратта. Чөркөөхтөөҕү култуура сынньалаҥ киинин бастакы сыбаайатын туруоруу алгыһын В.Ф. Ефремов аал уоту айах тутан, үрдүкү айыыларга хайыһан көтөхтөрдө.

Үөрүүлээх тэрээһиҥҥэ П. А. Ойуунускай аатынан Култуура Киинин тутуллуутун быһаарыыга күүс-көмө, сүбэ-ама буолбут Ил Түмэн депутаттара Гуляев М.Д., Пинигин П.П., Ефимов Я.А., Култуура уонна духуобунай сайдыы министерствотыттан Корякин А.И., улууспут баһылыга Соров.М.М., Таатта улууһун НАДь салайааччыта Г.Г.Вырдылин кыттыыны ылыллар.

Улуус баһылыга Соров М.М. тутааччыларга, нэһилиэнньэҕэ улахан суолталаах үлэҕэ ситиһиилэри, хардарыта көмөлөсүһүүнү уонна тутуу 2022 сылга Саха автономията тэриллибитэ 100 ылын көрсө ситэн-хотон, дьон-сэргэ кэтэспит ыра санаата туоларыгар эрэнэрин биллэрдэ.

Нэһилиэк Баһылыга Семенов А.П. үлэ саҕаланыытыгар көмөлөспүт депутаттарга махталын биллэрдэ, бастакы сыбаайа туруутугар бэлиэ аста, нэһилиэк олохтоохторун тутар биригээдэҕэ күүс-көмө буолуоххайыҥ диэн ыҥырда. Ил Түмэн депутата Пинигин П.П. тутааччыларга тус көмөнү (10 тыһ солк) оҥорорун биллэрдэ.

Үөрүүлээх күҥҥэ өр сылларга үлэлээбит култуура бэтэрээнигэр Афанасьева З.С. «Октябрьскай нэһилиэк бочуоттаах олохтооҕо» бэлиэни, социальнай харалта бэтэрээннэригэр анаммыт «Милосердие» түөскэ анньыллар бэлиэни Алексеева Е.И. Сивцева Д. А. баһылык Семенов А.П. туттарда.

Следите за самым важным и интересным в Telegram-канале и WhatsApp-группе ЯСИА