12 От ыйа 12.07
  • 25°
  • $ 87,99
  • 95,68

Үчүгэй үлэлээх нэһилиэктэр тоҕо грантан матыахтаахтарый?

15:19, 19 января 2017
Текст:
Читайте нас на
Яндекс Новости
ЯДВ

“Тупсарыныыга бэриллэр граҥҥа былырыын ылбыт нэһилиэктэр кыттыбаттара буоллар. Балаһыанньата уларыйа турар, биһиги, кырыы сиргэ олорор кыра нэһилиэктэр сылын аайы хаалан иһэрбитигэр тиийэбит”, — диэн Амма-Наахара нэһилиэгин баһылыга Мария Захарова бэҕэһээ баһылыктар семинар-мунньахтарыгар туруоруста. Бу туһунан edersaas.ru ааҕыҥ.


Кини этиитигэр хоруйдаан Олох-дьаһах, коммунальнай хаһаайыстыба, энергетика миниистирэ Гаврил Левин: “Быйыл куонкурус балаһыанньатыгар эрдэ кыттан кыайбыт нэһилиэктэри киллэрбэт туһунан пуун эбэн биэрэргэ этии киирбитэ. Оччотугар 2017-2018 сс. кыайан киирбэккэ хаалбыт нэһилиэктэр граны ылар кыахтаныахтара этэ”, — диэн бэлиэтээтэ. Гаврил Прокопьевич этэн бүтээтин кытта ким ытыс таһынна, ким утаран иһиирэн, хаһыытаан ылла. Саала иһэ икки аҥы хайдыста.

Миниистир этиитин ситэрэн, мунньаҕы ыыта олорор бастакы вице-премьер Алексей Колодезников: “Бу боппуруос олус уустук. Быйыл бүддьүөккэ 450 мөл. солк. көрүллүбүтэ. Ону сэргэ федеральнай бүддьүөттэн 200 мөл. солк. кэллэ. Ол эрээри бу бэриллибит үпкэ 1000-тан элбэх нэһилиэнньэлээх муниципальнай тэриллиилэр эрэ кытталлар. Онон эрдэ кыттыбыт нэһилиэк бу 450 мөлүйүөннээххэ буолбакка, 200-тээххэ кыттыан сөп. Быйыл тупсаран оҥорууга барыта 650 мөл. солк. барыаҕа”, — диэн быһаарда.

Ол эрээри сорохтор сөбүлээбэтилэр. “Үчүгэй үлэлээх нэһилиэктэр тоҕо матыахпытый, балаһыанньаҕа бу маны киллэримэҥ” диэн этиннилэр. Биир өттүнэн ыллахха, эмиэ да сөп курдук, үлэлиир, докумуону үчүгэйдик оҥорор нэһилиэктэр ылбыт үптэриттэн тэптэн өссө саҥаны киллэриэхтэрин, айыахтарын-тутуохтарын баҕараллар. Атын өттүнэн, сорох нэһилиэктэр кытта сатаан баран син биир биэрбэттэр эбит диэн төттөрү түһэн эбэтэр докумуоннарын кыайан киллэрбэккэ, сылын аайы матан хаалыахтарын сөп. Ити ордук суола-ииһэ суох кырыы сытар нэһилиэктэргэ кутталлаах.

Ыспыраапка быһыытынан эттэххэ, тупсаран оҥоруу бырагыраамата икки сыл үбүлэнэн кэллэ. 142 нэһилиэнньэлээх пуун субсидияны ылан турар. Онон бүгүн баһылыктарга Ил Дархан Егор Борисов сиһилии быһааран биэриэҕэ.

Следите за самым важным и интересным в Telegram-канале и WhatsApp-группе ЯСИА