Госдуума депутаттарын талыы быыбара салҕанар. Саха сиригэр куоластааһын иккис күнүгэр 15.00 чааска быыбардааччы 23,34% куоластааһыҥҥа кытынна. Бу туһунан регионнааҕы киин хамыыһыйа бэрэссэдээтэлин солбуйааччы Александр Власов эттэ, СИА суруйар.
Балаҕан ыйын 18 күнүгэр 15.00 чааска Саха сиригэр 154 тыһ тахса быыбардааччы куоластаата.
«Хоту улуустар олохтоохторо көхтөөхтөр. Үрдүк көрдөрүү — 47% — Анаабыр улууһугар бэлиэтэнэр. Абый, Булуҥ, Өлөөн оройуоттарын быыбардааччыларын кыттыыта эмиэ үрдүк», — диэтэ Александр Власов.
Кини быыбардыыр хамыыһыйалар үлэһиттэрэ бары тус харыстанар сириэстибэлэринэн хааччыллыбыттарын эбэн эттэ.
