Быыбар ининээҕи аҕытаассыйа чэрчитинэн, бары таһымнаах хандьыдааттар быыбардааччыларын кытары көрсүһүүлэри тэрийэллэр.
Оттон быыбардыыр учаастактарга быыбардааччылар испииһэктэрин чуолкайдааһын ыытыллар. Ааспыт нэдиэлэҕэ учаастактардааҕы быыбар хамыыһыйаларын сэкиритээдрэригэр, бэрэссэдээтэллэригэр аналлаах сэминээрдэр ыытылыннылар.
«Мобильнай быыбардааччы» ситиминэн сайабылыанньалар 43 МФЦ, 35 территориялардааҕы быыбардыыр хамыыһыйалар уонна судаарыстыбаннай (муниципальнай) өҥө порталын нөҥүө ылыллаллар. Күн бүгүҥҥү туругунан, барыта 1402 сайабылыанньа киирдэ: МФЦ-га 94,территориялардааҕы быыбардыыр хамыыһыйаларга 442, судаарыстыбаннай (муниципальнай)өҥө порталыгар 866.
Быыбар киин хамыыһыйатыгар 8(4112)25-67-77 нүөмэринэн быыбардааччыларга анаан “суһал лиинньийэ” үлэлиир.
Типографияҕа быыбардыыр бүллүтүөннэр бэчээттэнэн бүтэн, улуустарга ыытыллан эрэллэр.
Хаартыскаҕа: «Сахамедиа» РИИХ типографиятыгар саҥа бээчээттэммит быыбар докумуоннарын көрүү-истии.
Раиса Сибирякова, «Саха сирэ» edersaas.ru
