Алтынньы 1 күнүттэн бюджет үлэһиттэригэр хамнастара үрдээтэ, ити эрээри барыларыгар буолбатах. Федеральнайдааҕы казеннай, бюджет уонна автономнай тэрилтэлэргэ уонна федеральнайдааҕы судаарыстыбаннай уоргаттарга үлэлээччилэр ылыахтара.
Төлөбүрдэр 3% индексацияланыахтара, ол эбэтэр сыллааҕы инфляция таһымынан үрдээһин көстүө. Маннык төлөбүрдэр байыаннай чаастар гражданскай персоналларыгар, толоруулаах былаас федеральнайдааҕы уоргаттарын тэрилтэлэригэр, салааларыгар байыаннай уонна онно тэҥнээх сулууспаны толорооччуларга көрүллэр, ТАСС суруйар.
Алтынньыттан 1,03 төгүл байыаннайдарга уонна сэбилэниилээх күүстэргэ үлэлээччилэргэ харчынан төлөбүрдэрэ улаатыа. Үрдэтиллибит акылааттарга олоҕуран наркотигы хонтуруоллуур сулууспаттан тохтообуттар уонна кинилэр дьиэ кэргэттэрин биэнсийэлэрэ хат көрүллүө.
Маны сэргэ бэрэсидьиэн алтынньы 1 күнүттэн судьуйалар хамнастарын акылаатын 3 % улаатыннарар туһунан ыйаахха илии баттаата.
This post was published on 02.10.2020 10:01 10:01