Быстах хомуурга түбэспэт үлэһиттэрдээх тэрилтэлэр салайааччылара бэрээдэк быһыытынан дьоннорун испииһэгин уонна ходатайстволары РФ байыаннай күүстэрин Генеральнай штабыгар тиксэрэллэр.
Байыаннай комиссариаттарга быстах хомуурга түбэспэт сотруднигы кытта тус үлэ барар. Ол туһунан Саха сирин байыаннай комиссара Александр Авдонин иһитиннэрдэ, суруйар СИА.
Кини эппитинэн, байыаннай комиссариаттарга тэрилтэлэр испииһэктэрэ тигистэ.
«Ити эрээри бу бары сотрудниктарга диэн буолбатах. Тэрилтэ салайааччыларыгар бэрээдэк тириэрдиллибитэ. Дьоннорун испииһэгин уонна ходатайстволары генеральнай штабка тириэрдиэхтээхтэр. Ол кэннэ биһиэхэ [байыаннай комиссариакка — ред.] испииһэк кэлэр, оттон хас биирдиилэрин кытта үлэлиибит, быстах хомууртан босхолооһуҥҥа», — диэтэ Авдонин.
This post was published on 27.09.2022 16:33 16:33