Ил Түмэн депутаттара уонна Саха сирин саллааттарын ийэлэрин кэмитиэтэ штаб тэрийдилэр. Манна быстах байыаннай хомуурга таһаарыллыбыт алҕастарга нэһилиэнньэттэн этиилэри ылыахтара.
Народнай депутат, «Биир ньыгыл Россия» партия бэрэссэдээтэлэ Дмитрий Медведев уопсастыбаннай приемнайын регионнааҕы салаатын салайааччыта Елена Голомарева эппитинэн, штаб Украинаҕа анал дьаһал (СВО) бүтүөр диэри үлэлиэҕэ.
«Штаб чилиэннэрэ киирбит боппуруостары көрүөхтэрэ, байыаннай чаастарга сылдьыахтара, быстах байыаннай хомуурга дойду президенин ыйааҕын критерийдарынан сулууспаҕа сөп түбэспэт дьон дойдуларыгар төннөллөрүгэр үлэлиэхтэрэ», — диэтэ народнай депутат.
Бастакы төннөөччүлэр бортара Саха сиригэр кэллэ. Испииһэк чуолкайданар.
This post was published on 26.09.2022 11:33 11:33