Быстах байыаннай хомуурга сыыһа барбыт дьону төннөрүү салҕанар. Дьокуускайга өссө биир алҕас мобилизацияламмыт устудьуону төннөрдүлэр, диэн Саха сиринээҕи ЦУР кэпсиир.
Үҥсүү «Госуслуги» портал нөҥүө киирдэ. Дьокуускай байыаннай комиссариата Владивосток куорат байыаннай чааһыгар 24 саастаах К. Александры ыыппыт.
Александр устудьуон, кинини быстах байыаннай хомуурга сыыһа ылбыттар. Киирбит үҥсүү үс күн иһигэр көрүлүннэ. Эдэр киһи хайыы-үйэ төрөөбүт куоратыгар төнүннэ.
Санатан эттэххэ, «Госуслуги» порталга быстах байыаннай хомуурга алҕас ылбыт буоллахтарына үҥсүү биэриэххэ син. Сайабылыанньаны хомуурга хапсыбыт киһи бэйэтэ эбэтэр кини аймаҕа да бириэн син. Порталга киирбит сайабылыанньа региональнай хамыыһыйаҕа ыытыллар уонна кылгас болдьоххо көрүллэр.
