Россия бырабыыталыстыбата олунньу ыйтан социальнай төлөбүрдэргэ индексация оҥорор туһунан уурааҕа таҕыста. Докумуоҥҥа илии баттаммытын туһунан бэрэссэдээтэл Михаил Мишустин мунньахха эттэ.
«Олунньу 1 күнүттэн 40-тан тахса социальнай төлөбүргэ 9,5% индексация оҥоһуллуоҕа», — диэтэ салайааччы.
РФ Үлэҕэ министиэристибэтэ эппитинэн, төлөбүрдэргэ Аҕа дойду улуу сэриитин уонна бойобуой дьайыылар, Чернобыль иэдээнин кыттыылаахтара, Россия геройдара, Үлэ геройдара, инбэлииттэр ыйдааҕы харчынан төлөбүрдэрэ киирсэллэр.
Индексация оҕолоох дьиэ кэргэттэргэ эмиэ сыһыаннаах. Ийэ хапытаала улаатар: бастакы оҕоҕо 690,3 тыһ. солк, иккискэ уонна онтон төрөөбүт оҕолорго – 912,2 тыһ. солк. Оҕо төрөөбүтүнэн биир кэмнээх босуобуйа 26,9 тыһ. солк.
Сиһилии https://ysia.ru/pravitelstvo-proindeksirovalo-sotsialnye-vyplaty-posobiya-i-kompensatsii/
This post was published on 27.01.2025 17:07 17:07