Олунньу 28 күнүгэр бырабыыталыстыба отчуотун 27 297 киһи иһиттэ. Отчуот үгүс муниципальнай тэриллиини таарыйда, 392 нэһилиэнньэлээх пууну хапта. Ол туһунан регион пресс-сулууспата суруйда.
Отчуот Горнайга, Өймөкөөҥҥө, Хаҥаласка, Аммаҕа, Нерюнгрига, Алдаҥҥа, Эбээн Бытантайга, Мииринэйгэ, Ленскэйгэ, Тааттаҕа, Анаабырга, Сунтаарга, Мэҥэ Хаҥаласка, Уус Алдаҥҥа, Үөһээ Бүлүүгэ, Абыйга, Бүлүүгэ, Кэбээйигэ, Ньурбаҕа, Дьааҥыга, Булуҥҥа, Үөһээ Халымаҕа, Өлүөхүмэҕэ, Орто Халымаҕа, Томпоҕо, Усуйаанаҕа, Эдьигээҥҥэ уонна Жатайга бүттүлэр.
Бу күннэргэ Чурапчы, Муома, Аллайыаха улуустарыгар отчуоттар салҕаналлар, Дьокуускай кытыытыгар. Кулун тутар 1 күнүттэн Аллара Халымаҕа саҕаланыаҕа.
Санаттахха, отчуот олунньу 3 күнүттэн саҕаламмыта уонна кулун тутар 7 күнүгэр диэри салҕанан барар. Түмүктүүр отчуот «Саха» НКИХ ханаалыгар буолуоҕа.
This post was published on 28.02.2025 14:02 14:02