Саха сиригэр олунньуттан саҕалаан, бырабыыталыстыба отчуота буолуоҕа. Салалта хас биирдии нэһилиэнньэлээх пууҥҥа тиийиэҕэ. Ол кэннэ түмүктэринэн быһа эпиир телебиэриигэ тахсыаҕа.
Ол туһунан «Прямой разговор» биэриигэ оптуорунньукка Айсен Николаев эттэ, суруйар СИА.
Айсен Николаев коронавирус пандемиятынан бырабыыталыстыба отчуота үс сыл кэтэхтэн ыытыллыбытын эттэ. Быйыл киэбэ уларыйар, өрөспүүбүлүкэ нэһилиэнньэлээх пууннарын миэстэтигэр барытын хабыаҕа.
Олунньуга саҕаланар уонна кулун тутар саҥатыгар диэри барыаҕа. Түмүктүүр отчуот телебиэриигэ быһа эпииргэ тахсыаҕа.
Билигин бырабыыталыстыба чилиэннэрэ кыттыылаах бөлөхтөр ханнык хайысхаларынан барыылара кыраапыктанар. Баһылык эппитинэн, миниистирдэр кабинеттарын бэрэстэбиитэллэрэ эрдэ отчуоттаабыт улуустарыгар барыахтара.
