22 От ыйа 22.07
  • 27°
  • $ 88,02
  • 96,04

Бырабыыталыстыба бэйдиэ сылдьар дьиэ кыылларын тутууга анаан 33 мөл.солк. биэрбит

15:40, 13 октября 2016
Читайте нас на
Яндекс Новости
ЯДВ

Бэйдиэ сылдьар дьиэ кыылларын тутууга бырабыыталыстыба 33 мөл. 597 тыһ.солк. биэрбит. Ити туһунан буолан ааспыт брифиҥҥэ ветеринария департаменын салайааччыта Лариса Макарова эттэ.


2015 сылга көрүүтэ-истиитэ суох сылдьар ыттары уонна куоскалары тутууга муниципалитеттарга 44 мөл.солк. бэриллибит. Ол үрдүнэн үлэ 95% эрэ туолбут. Ити Ленскэй уонна Бүлүү улуустара харчыны туһамматахтарыттан тахсыбыт. Быйыл үп министиэристибэтин быһаарыытынан үп-харчы толоруллубут үлэ эрэ иһин бэриллэр бэрээдэгэ киирбит.

Лариса Макарова этэринэн, бүгүҥҥү туругунан 8,4 тыһыынча бэйдиэ сылдьар кыыллары туппуттар. Ити былырыыҥҥыны кытта тэҥнээтэххэ, 469 төбөнөн элбэх. Кыылы быстах кэмҥэ тутар пууннарга 9,8 тыһыынчаны тиэрдибиттэр. 1,5 тыһыынча бас билээччилэргэ бэриллибит.

Дьонтон уопсайа 1,9 тыһыынча үҥсүү киирбит. Итинтэн элбэх үҥсүү Хаҥалас, Нерюнгри оройуоннарын, Дьокуускай куорат ирээттэригэр тиксэр.

«Кыыллары тутар 119 биригээдэ, 199 пуун тэриллибит. 500 киһиттэн аҕыйах олохтоох нэһилиэнньэлээх пууннарга маныаха субвенция бэриллибэт. Онон муниципалитеттар улууһу кытта холбоһон уопсай биир биригээдэни тэрийэллэр», — диэтэ департамент салайааччыта.

Следите за самым важным и интересным в Telegram-канале и WhatsApp-группе ЯСИА