Бырабыыталыстыба бэрэссэдээтэлин солбуйааччыта Сергей Местников 2022 сылга Үөһээ Бүлүү улууһугар Саха АССР 100 сылыгар аналлаах ыытыллар Олоҥхо ыһыаҕыгар бэлэмнэниинэн мунньах ыытта. Онно этиллибитинэн, эбийиэктэр тутуулара бырабыыталыстыба бигэргэппит регламенынан ыытыллыахтаахтар.
Санатар эбит буоллахха, баһылык Айсен Николаев дьаһалынан 2020 сыллаахха Олоҥхо ыһыаҕын бэлэмнээһиҥҥэ уонна ыытыыга тэрийэр кэмитиэт сатааба бигэргэммитэ.
Култуура миниистирэ Юрий Куприянов иһитиннэрбитинэн, тэрээһиннэр былааннара оҥоһуллан, министиэристибэлэргэ сөбүлэһиннэриигэ ыытыллыбыт. Бастакы түһүмэх эбийиэктэр тутууларыгар ананар уонна ыһыах ыытыллар сиригэр, суолга, култуурунай тэрээһиннэр ыытыллар миэстэлэрин тупсарыыга. Ити эрээри тутуллар эбийиэктэри чуолкайдыыр наада.
Сергей Местников бэлиэтээбитинэн, эбийиэктэр бигэргэммит регламенынан тутуллуохтаахтар. Онон ымпыгар-чымпыгар тиийэ тэҥнээһин ыытыллыахтаах уонна былааҥҥа, сметаҕа көннөрүүлэри киллэриллиэхтээх.
This post was published on 05.02.2021 10:01 10:01