Саха сирин былаастарын судаарыстыбаннай уорганнара уонна олохтоох бэйэни салайыныы уорганнара корпоративтары, ол иһигэр Саҥа дьыл уонна да атын улахан бырааһынньыктары бэлиэтииртэн батыныахтара, суруйда Саха парламент саайт.
Саҥа дьыл корпоративтарыттан Ил Дархан уонна Бырабыыталыстыба дьаһалтата урукку сыллар курдук эмиэ аккаастанна.
“Ил Дархан уонна Бырабыыталыстыба дьаһалтата кэнники сылларга корпоративтары тэрийбэт. Кэллэктиибинэй бырааһынньыктар номнуо хаһыс да сылын ыытыллыбат буолан тураллар, быйыл да, баар балаһыанньаны учуоттаан, бырааһынньыктыыртан батынныбыт. Маннык сүбэни былаас бары уорганнарыгар биэрдибит, ол иһигэр муниципальнай тэриллиилэргэ, итиэннэ бүддьүөт тэрилтэлэригэр”, — диэн Ил Дархан уонна Бырабыыталыстыба дьаһалтатын салайааччы Георгий Михайлов бэлиэтээтэ.
Маныаха кини уһуйааннарга уонна оскуолаларга утренниктар уонна оҕолорго аналлаах тэрээһиннэр бобуллуо суохтара диэн тоһоҕолоото.
“Саҥа дьыл тэрээһиннэрэ бастатан туран биһиги оҕолорбутугар анаан ыытыллаллар. Кинилэр бырааһынньыктааҕы настырыанньаттан матыа суохтаахтар. Биллэн турар, биһиги Ил Дархан Харйыатын курдук өрөспүүбүлүкэ талааннаах оҕолорун муһар улахан тэрээһиммититтэн аккаастаммаппыт, итиэннэ өрөспүүбүлүкэ сүрүн болуоссатыгар харыйаны уматыы эмиэ бобуллуо суоҕа”, — диэн эбэн эттэ.
This post was published on 03.10.2025 15:33 15:33