Бүгүн Арассыыйаҕа наука үлэһиттэрин күнэ. Ил Дархан Айсен Николаев бэлиэ күнүнэн идэлээх дьону эҕэрдэлээтэ. Кини үүммүт сыл Арассыыйаҕа наука уонна технология сылынан биллэриллибитин, аан дойдуга килиимэт уларыйыыта, коронавирус тарҕаныыта учуонайдарга саҥа соруктары туруорарын эттэ.
«Халлаан сылыйан иһэринэн олорор дьиэлэр, инфраструктура инженернай өттүнэн кутталлара суох буолалларыгар , тутууга, суол хаһаайыстыбатыгар саҥа матырыйааллары айыы ордук суолталаах. Биотехнология уонна мэдиссиинэ салааларын сайыннарыы эмиэ тоҕоостоох.
Ити сыалга быйылгыттан 200 мөл харчы көрүллэр буолуо. Ордук «Хоту» научнай-үөрэтэр кииҥҥэ, научнай каадырдары бэлэмнээһиҥҥэ, ыччаты наукаҕа сыһыарыыга, научнай-чинчийэр оскуоланы бөҕөргөтүүгэ болҕомто ууруллуо», — диэбит Ил Дархан эҕэрдэ суругар.
This post was published on 08.02.2021 15:02 15:02