19 От ыйа 19.07
  • 14°
  • $ 87,88
  • 96,1

Быйыл өрөспүүбүлүкэ оройуоннарыгар киинэ алта тыйаатыра аһыллар

10:39, 22 августа 2016
Текст:
Читайте нас на
Яндекс Новости
ЯДВ

Россияҕа киинэ сылыгар анаан өрөспүүбүлүкэ оройуоннарыгар киинэ алта тыйаатыра  аһыллыаҕа. Итиниэхэ үбү-харчыны федеральнай уонна өрөспүүбүлүкэ бюджеттарыгар көрүөхтэрэ. Киинэ бүтүн Россиятаҕы форумугар култуура уонна духуобунай сайдыы миниистирэ Владимир Тихонов бу туһунан эттэ.

Биэдэмистибэ салайааччыта этэринэн, Саха сиригэр сыл аайы ортотунан толору метражтаах 11 киинэ уһуллар.

Саха сиригэр киинэни прокаттыыр уонна көрдөрөр биир кэлим систиэмэни үөскэтии үлэтэ бара турар. Бүгүҥҥү туругунан киинэ 18 тыйаатырыттан 9-һа ити систиэмэҕэ киирэр. Быйыл алтаны эбии аһыахпыт», — диир кини.

Миниистир быһаарбытынан, Саха сирин бюджетын суотугар тыйаатырдар хамнастаныахтара. «Быйыл киинэ фондата 100 тыһыынчаҕа диэри киһилээх нэһилиэнньэлээх пууннарга национальнай киинэлэри көрдөрүүгэ усулуобуйаны тэрийиигэ анаммыт куонкуруһу биллэрбитэ. Үөһээ Бүлүү, Амма, Уус Алдан оройуоннара куонкурус кыайыылаахтарынан буолбуттара», — диир миниистир.

Саха сиригэр билигин «Тыгын Дархан» уонна «Созвездие Марии» улахан киинэлэри уста сылдьаллар. Бырайыактары олоххо киллэрии ураты улахан суолталарын миниистир эттэ: «Маныаха «Сахафильм» национальнай киинэ компаниятын устар, монтажтыыр оборудованиеларын саҥардыы, аналлаах тырааныспарынан хааччыйыы, реквизитэри, көстүүмнэрии атыылаһыы, о.д.а. үлэтэ киирэр. Саха сирин киинэтэ норуоттар икки ардыларынааҕы, Россия таһымнарыгар күрэстэһэр кыахтанарыгар бастакы түһүмэх буолуоҕа», — диэтэ миниистир.

Следите за самым важным и интересным в Telegram-канале и WhatsApp-группе ЯСИА
Тутаах тыллар