Бырагыраамаҕа 47 куонкурус тоҕус хайысханан барар, ол иһигэр олоҥхо, нимнгакан, нимкан толоруута, оһуохай этиитэ, тойук, дэгэрэҥ, чабырҕах, хомус, кылыhaх-кырыымпа, аҕыйах ахсааннаах норуоттар фольклордарын жанрдара, ол иһигэр «Девэйдэ» үҥкүү.
Уустар быһах, батыйа, хомус, ох саа уонна да атыны оҥоруохтара, тимири уһаарыахтара, маны сэргэ Саха сирин норуоттарын таҥастарын көрүү буолуоҕа.
Испэктээк, быыстапка арааһа тэриллиэҕэ, маассабай хомуска оонньооһун, национальнай обрядтар уонна ритуаллар, айар кэлэктииптэр кэнсиэртэрэ ыытыллыаҕа. Дьыалабыай бырагыраама баар. Аһаҕас халлаан анныгар саха киинэлэрин көрдөрүөхтэрэ.
Ыһыаҕы арыйыы уонна сабыы өрөгөйдөөх тэрээһинигэр 1,5 тыһ киһи кыттыаҕа, ол иһигэр 250 артыыс, судаарыстыбаннай тыйаатыр кэлэктииптэрэ, өрөспүүбүлүкэ бастыҥ самодеятельнай кэлэктииптэрэ. Бэлэмнэнии бэс ыйын 24 күнүттэн саҕаланыаҕа.
