Сыл ахсын күһүн сарсыардааҥы туманнар хойдор кэмнэригэр, айылҕа соһуччу бэлэҕи уунар — «дьахтар сайынын», суруйда Саха сирэ саайт.
Быйыл бу кэм ордук сылаас уонна уһун болдьохтоох буолуо диэн сабаҕалыыллар — Арассыыйа олохтоохторугар икки нэдиэлэ кэриҥэ сайыҥҥылыы табыгастаах күнү-дьылы бэлэхтиэҕэ.
Оттон Саха сиригэр «дьахтар сайына» балаҕан ыйын 10-20 күннэригэр (күнэ-дьыла сыҕарыйыан сөп) буолуоҕа. Салгын температурата күнүс +15…+20°C, оттон түүн +5…+10°C кыраадыс туруо. Ол эрээри, ый ортотун саҕана ардаҕынан солбуллуон сөп.
Тоҕо быйыл «дьахтар сайына» маннык сылаас буоларый?
Метеорологтар бу көстүүнү икки сүрүн биричиинэнэн быһаараллар:
- Антициклон — ардахтаах фроннары тохтотор уонна кураан күннээх күнү-дьылы аҕалар үрдүк баттааһыннаах циклон. Быйыл антициклон ордук уларыйбат туруктаах буолуо диэн күүтүллэр.
- Түспүт мас сэбирдэхтэрин итиитэ — сэбирдэхтэргэ баар хлорофилл ыһылларыгар эбии сылаас тахсан, «сайын бүтэһик тыынын» көстүүтүн үөскэтэр.
Антициклон ааспытын кэннэ эрэгийиэннэргэ ардахтар төннүөхтэрэ, оттон түүн салгын температурата +5…+8°C диэри түһүөҕэ. Балаҕан ыйын бүтүүтэ бастакы хаһыҥнар түһүөхтэрин сөп.
This post was published on 27.08.2025 17:22 17:22