«Кыһалҕалаах» дьиэлэр реестрдарыгар киллэриллибит түөрт тутулла турар эбийиэктэри быйыл үлэҕэ киллэриэхтэрэ. Манна аҥара — дьон олорор кыбартыыралара. Бүгүҥҥү күҥҥэ реестрга 11 эбийиэк баар, суруйар СИА.
«Өрөспүүбүлүкэтээҕи кыһалҕалаах дьиэлэр реестрдарыгар 11 эбийиэк киирэр — тоҕус элбэх кыбартыыралаах дьиэ, икки дьиэ «нежилое» диэн статустаах. Быйыл икки олорор дьиэни киллэрэр былааннаахпыт — тутааччылар «Алмазная корона Приполярья» ХЭУо Лермонтов аатынан уулуссаҕа уонна «Якутпромстрой» тэрилтэ банкрот-тутааччыны солбуйан ылыммыт Каландаришвили аатынан уулуссаҕа баар дьиэ икки уочарата.
Үһүс кыбаарталга икки «нежилое» статустаах дьиэ киириэхтэрэ — «1000 мелочей» автовокзал таһыгар уонна «Чороон» тутааччы Петр Алексеев аатынан уулуссаҕа баар эбийиэгэ», — диэн кэпсээтэ дьон быраабын көмүскүүн — өлүүлэһэн тутуу кыттааччыларын пуондатын генеральнай дириэктэрэ Наталья Чусовская соцситимнэринэн быһа эфиргэ.
Онон сыл бүтэһигэр реестртан 4 эбийиэк таһаарыллыаҕа, манна эбии кэтээн көрөр сэбиэт быһаарыытынан компенсация төлөнөр «Симиир» хампаанньа тутар икки дьиэтэ. Бүгүҥҥү туругунан 73 «дольщик»-тан 40-чата компенсациятын ылбыт.
Кыһалҕалаах дьиэлэр тустарынан информация Дом.РФ сайтка баарын иһитиннэрдэ.
This post was published on 21.05.2021 12:01 12:01