26 От ыйа 26.07
  • 19°
  • $ 85,41
  • 93,17

Быһыыны биэрии саҕаланна

11:31, 09 сентября 2016
Читайте нас на
Яндекс Новости
ЯДВ

Дьокуускай куораттааҕы Медицина киинигэр, Кальвица 3 нүөмэрдээх дьиэтигэр кирииби утары быһыыны босхо биэрии саҕаланна. Сыл аайы күһүҥҥү-кыһыҥҥы кэмнэргэ кириибинэн уонна ОРВИ-нан ыалдьыы ахсаана элбиир. Вирус салгынынан киһиттэн киһиэхэ бэриллэр, нэһилиэнньэ маассабайдык ыалдьар.


Үстэригэр диэри саастаах оҕолорго, 60 саастарын аһарбыт   кырдьаҕастарга уонна ааһан-араҕан биэрбэт ыарыылаах дьоҥҥо кириип ордук кутталлаах. Кинилэр үксүгэр сыыстаран хаалан, ойоҕостотуохтарын уонна менингиттиэхтэрин сөп. Ыарыыттан харыстанар ордук табыгастаах ньыманан быһыы буолар.

Статистика көрдөрөрүнэн, хас биирдии улахан киһи сылга ортотунан –   2, оскуола оҕото – 3, оскуолаҕа киириэн саастаах оҕо 6 төгүл респираторнай инфекцияҕа хабыллар.

Кирииптэн эмтэнии экономика өттүнэн хоромньута олус улахан. Арассыыйаҕа кириип өрө туруута 40 млрд солкуобай кэриҥэ хоромньуну аҕалар.

Дьокуускайдааҕы Медицина киинигэр оҕолорго «Гриппол», улахан дьоҥҥо «Совигрипп» инактивированнай быһыыны туруораллар. Быһыы ыла кэлэргэ полистаах, паспордаах эрэ буолуохтааххын. Регистратураҕа толуон ылан баран, 306 кабинекка кэлэҕин. Ону таһынан оҕо саадтарыгар, оскуолаларга уонна үлэ кэлэктииптэригэр быһыыны маассабайдык биэрии саҕаланыаҕа.

Дьокуускайдааҕы Медицина киинин эмчиттэрэ сүбэлииллэринэн,

«Гриппол»

быһыы 6 ыйдаах оҕолортон саҕалаан, улахан дьоҥҥо уонна кырдьаҕастарга ыарыыны сэрэтэр ньыма быһыытынан туһаныллар. Бу быһыы кириип вируһун утары охсуһар күүс үөскүүрүгэр көмөлөһөр. Быһыы   8-12-с хонуктан туһалаан барар, онтон ыарыыны утары охсуһар күүс сылы быһа сылдьар.

Быһыыны күһүн саҕаланыыта ылар ордук. Оччоҕо ыарыы өрө турар кэмигэр диэри охсуһар күүс баар буолар.

«Совигрипп»

быһыыны 18-тан үөһээ саастаахтар ылаллар. Бу быһыыны үгүс киһи үчүгэйдик тулуйара,   куттала суоҕа уонна туһалааҕа дакаастанан турар.

Иммуностимулятордар

Кирииби уонна ОРВИ-ны сэрэтэр киэҥник тарҕаммыт ньыманан эти-синии эрчийии,   интерферон уонна оксолиновай маас буолаллар. Бу препараттарга эбии аскорбинкалаах кислотаны, поливитаминнары уонна сибиэһэй оҕуруот аһын, фруктаны сиэххэ наада.

«Эмчити дьиэҕэ 500-003 call-центр уонна mcykt.ru сайт электроннай сыһыарыытын көмөлөрүнэн ыҥырыахха сөп.

Следите за самым важным и интересным в Telegram-канале и WhatsApp-группе ЯСИА