Саха сиригэр бу күннэргэ эмиэ буурҕа, күүстээх тыал түһэр буолла. Бу туһунан СӨ Ыксаллаах быһыы-майгы министиэристибэтин кылаабынай управлениета иһитиннэрдэ.
Ол курдук, хаһан буоларын курдук күүстээх тыал уонна буурҕа арҕаа улуустартан саҕаланна. Бу чааска батсаап Сунтаартан, Мииринэйтэн, Бүлүүттэн буурҕа түһэн ааспыт хаартыскаларынан уонна видеоларынан туолла.
Аны сөкүүндэҕэ 18-23 м күүстээх тыал киин улуустарга уонна Дьокуускайга иһэр. Онон буурҕа туох хоромньуну аҕалара, тугу көтүтэрэ биллибэт.
Сарсыарда үлэҕэ барааччылар түннүккүтүн-үөлэскитин үчүгэйдик сабан барыҥ, күүстээх тыалтан сэрэнэ сылдьыҥ.
Елена ПОТОЦКАЯ, «Саха сирэ» хаһыат, edersaas.ru
This post was published on 23.04.2018 23:31 23:31