Бурдук ас сыанатын бигэргэтэр сыалтан регионнарга уопсайа 4,7 млрд солк тыырыахтара. Дьаһалга бырабыыталыстыба бэрэссэдээтэлэ Михаил Мишустин илии баттаата, суруйар СИА.
«Көрүллүбүт үптэн 2,9 млрд солк бурдугу атыылаһыыга, онтон 1,8 млрд солк – бэкээринэлэр ороскуоттарын чааһын сабыыга тыырыллар. Дьаһалынан тыа хаһаайыстыбатын министиэристибэтэ дьарыктанарыгар сорудахтанна», — иһитиннэриигэ суруллар.
Дьаһал бу хайысхаҕа сыананы тэҥнээһиҥҥэ уонна намтатыыга туһуланар, Владимир Путин сорудаҕынан оҥоһуллар. Судаарыстыба баһылыга эрдэ сүрүн бородуукталарга сыананы үрдэтиини тохтотор туһунан эппитэ.
This post was published on 25.01.2021 18:01 18:01