Судаарыстыбаннай Дума дьокутааттара үһүс ааҕыыга Нолуок кодексыгар уларытыылары бигэргэтэн, 2017 сылтан арыгы, табаах уонна дизельнэй уматык сыанатыгар уларыйыылар киириэхтэрэ.
РФ Үбүн министиэристибэтэ буокка сыанатын 15%-нан үрдэтэр былааннааҕын туһунан былырыын биллэрбитэ. Ол эрээри, 40 кыраадыстаах арыгы 10%-нан эрэ үрдүөн сөбүн туһунан «Аргументы и факты» хаһыат суруйар. Билиҥҥи туругунан биир бытыылка буокка муҥутуур кыра сыаната 190 солкуобайга тэҥнэһэр. Мантан инньэ сыананы чопчу бигэргэттэхтэринэ, саамай чэпчэки буокка 205 – 210 солкуобайга атыыланыаҕа. Арааһа, россияннар чэпчэки сыаналаах контрафактнай арыгынан үлүһүйүөхтэрэ диэн, буокка сыанатын олох кыратык үрдэтэр буоллахтара.
Ырааҕынан-киэҥинэн эргитэ барбакка, олохтоох маҕаһыыннар сыаналарын ылан көрүөххэ. «Шанс-2» атыы-эргиэн кииннэригэр 0,5 лиитэрэлээх «Пять озер» арыгы 276 солк., оттон биир лиитэрэлээх «Белая березка» 823 солк. атыыланар.
This post was published on 16.01.2017 18:03 18:03