7 Алтынньы 07.10
  • -4°
  • $ 60,25
  • 58,24

Булуҥнар бэҕэһээ эбээн тылынан диктант суруйдулар

13:01, 22 февраля
Текст:

Төрөөбүт тыл норуоттар икки ардыларынааҕы күнүгэр Булуҥ улууһугар эбээн тылынан диктант суруйдулар. «Диктант на языках коренных малочисленных народов Севера» аахсыйа сылын аайы ыытыллар. Тэрийээччилэр – СӨ Национальнай библиотеката, СӨ КМНС ассоциацията уонна «Созвездие» библиотека филиала.

Бэҕэһээ Булуҥнааҕы бырагыраамаҕа диктант эрэ суруйуута буолбакка, хотугу норуоттар историяларыгар леция ааҕылынна уонна национальнай таҥас, олох-дьаһах быыстапката тэрилиннэ.

Диктаны улуустааҕы киин библиотекаҕа суруйдулар. Тиэкиһи эбээн тылын тарҕатааччы, КМНС бэрэстэбиитэлэ Екатерина Стручкова аахта. Мустубут дьон 1 чаас суруйда.

Барыларыгар сертификат туттардылар.

Санатар эбит буоллахха, 2021 сыллаахха Булуҥнааҕы былаһааккаҕа 62 киһи диктант суруйбута: эбээннии – 18, эбэҥкилии – 44.

Ааптар: Ульяна ПОПОВА, «Маяк Арктики» хаһыат, Булуҥ улууһа

Следите за самым важным и интересным в Telegram-канале и WhatsApp-группе ЯСИА
1
0