Бырабыыталыстыба аан бастаан булт билиэтин ылааччыларга анаан булгуччулаах эксээмэн киллэрэр туһунан эттэ. Сокуон барылын Госдуума сааскы сессиятыгар көрөр былааннаахтар, суруйар «Парламентская газета».
Билигин дьон илии баттаан туран булт быраабылаларын кытта иҥэн-тоҥон туран билсиэхтээх. Ити эрээри бу киһи бултка сатабылларын уонна билиитин мэктиэлээбэт, диэн суруллар быһаарыы сурукка.
Сокуон барылын ааптардара булчут буолуон баҕалаахтар булт быраабылатын, куттал суох буолуутугар техниканы, дьиикэй кыыллар биологияларын төрүтүн билиэхтээхтэр дииллэр. Киһи булт билиэтин эксээмэн туттаран, сааны туттууга көҥүллээҕин туһунан медицинскай ыспыраапка көрдөрдөҕүнэ эрэ ылыахтаах.
Докумуоҥҥа олоҕуран, маннык ирдэбил байыаннай тэрилтэлэргэ үлэлиир уонна анал үөрэхтээх, билиилээх дьоҥҥо тарҕаммат.
