2025 сыл муус устар 1 — бэс ыйын 30 күннэригэр экология министиэристибэтэ лимииттээх бултааһыҥҥа көҥүлү биэриигэ сайаапкалары хомуйар (туундара дьиикэй хотугу табата уонна киис киирбэт).
Сайаапкалары регионнааҕы портал нөҥүө туталлар. Бүгүҥҥү күҥҥэ 4 049 докумуон киирдэ.
Сэрэбиэй бултааһыҥҥа лимиит уонна квота бигэргэммитин кэннэ иккис күнүгэр ыытыллар. Экология, инновация министиэристибэлэрэ, булчуттар уонна балыксыттар уопсастыбаннай тэрилтэлэрэ кытталлар. Талыы электроннай генератор бэрээдэгинэн ыытыллар.
Сэрэбиэй трансляцията экология министиэристибэтин официальнай саайтыгар көстөр. Ол кэннэ түмүк информация сайаапкалаах тус кабинетыгар ыытыллар.
This post was published on 16.04.2025 11:08 11:08