Булгунньахтаах сэлиэнньэлэригэр 100 миэстэлээх оҕо саадын тутуута түмүктэнэрэ чугаһаата. Хаҥалас оройуонун баһылыгын бастакы солбуйааччы Егор Варламов иһитиннэрбитинэн, бүгүҥҥү күҥҥэ эбийиэк бэлэмэ 89% буолар. Бу туһунан оройуон дьаһалтатын пресс-сулууспата суруйар.
«Тутуу кыраапыктан хаалсыбакка барар. Билигин ис оҥоһуу үлэтэ ыытыллар, дьиэҕэ итии киирдэ. Биһиги бэлэм үрдүк таһымын көрөбүт уонна эбийиэк болдьоҕор туттарыллыа диэн эрэллээхпит», — диэн баһылык бастакы солбуйааччы бэлиэтээтэ.
Бүгүн бары матырыйаал, оборудование, технологическай оборудование атыылаһылынна. Ыраас оҥоһуу (истиэнэни, өһүөлэри кырааскалааһын), ГКЛ өһүөнү бүрүөһүннээһин, вентиляцияны туруоруу, электропроводка бүтэһик таҥыыта, электроника систиэмэтин үлэлэрэ көхтөөхтүк ыытыллаллар, кирилиэс уонна харыстыыр сабыылар туруоруллаллар. Истиэнэни, быыстары ууруу, фасады сылытыы уонна таҥыы үлэлэрэ толору түмүктэннилэр, баһаартан сэрэтэр резервуардар уонна территорияны күрүөлээһин олохтоннулар. Тутааччы “Комрит”ХЭО тэрилтэтэ буолар.
Санатан эттэххэ, инники оҕо саадын бастакы сыбаайата 2023 сыл муус устар ыйыгар Саха сирин бырабыыталыстыбатын бэрэссэдээтэлэ Кирилл Бычков кыттыылаах туруоруллубута. Уопсайа1500 кв.м иэннээх «Кэрэчээн» оскуола иннинээҕи үөрэх тэрилтэтин икки этээстээх саҥа дьиэтэ оҕо сайдарыгар аныгылыы уонна табыгастаах сиринэн буолуоҕа уонна Булгунньахтаах сэлиэнньэтин сайыннарыыга уонна үүнэр көлүөнэни олоххо уонна иитиигэ табыгастаах усулуобуйаны тэрийиигэ улахан суолталаах хардыы буолуоҕа. Эбийиэк үлэҕэ киириитэ 2025 сыл ахсынньы ыйыгар былааннанар.
This post was published on 23.10.2025 11:27 11:27