Булгунньахтаах Оҕо искусствотын дьиэтэ РФ култууратын бастыҥ муниципальнай тэилтэтин аатын ылла.
РФ култууратын министиэристибэтин наҕараададаларын Саха академическай тыйаатырыгар туттардылар. Оскуолаҕа 100 тыһыына солкуобай кээмэйдээх федеральнай бириэмийэни биэрдилэр.
Уус-уран отделение преподавателэ Татьяна Рыгунова “Култуура бастыҥ үлэһитэ” куонкурус кыайыылааҕын түөскэ кэтиллэр бэлиэтинэн наҕараадаланна.
Оскуола хас да хайысханан үлэлиир – муусука, вокал, тыйаатыр, хореография. Оҕолор кыра эрдэхтэриттэн байааҥҥа, фортепианоҕа, флейтаҕа оонньууллар, хорга ыллыыллар. Оскуола 1975 с. аһыллыбыта уонна түөрт филиаллаах.
Вероника Аммосова, СИА
This post was published on 13.04.2018 12:55 12:55