Кулун тутар 12 уонна 13 күннэригэр Дьокуускай куорат 5 №-дээх оскуолатыгар «Будущий дипломат – 2024» куонкурус түмүктүүр түһүмэҕэ буолла. Барыта 54 үөрэнээччи кытынна, ол иһигэр 36 үрдүкү лигаҕа, 18 – кыраларга.
Муҥутуур кыайыылааҕынан Дьокуускай куорат 1 №-дээх оскуолатын үөрэнээччитэ Эрхан Чехордун буолла. Киниэхэ Москваҕа МИД Дипломатическай академиятыгар киирбитин туоһулуур сертификат туттардылар.
Россия дипломаттарын ассоциациятын бэрэссэдээтэлин солбуйааччы, «Дипломаты будущего» оҕо уопсастыбаннай хамсааһынын президенэ Валерий Егошкин куонкурус оруолун уонна Саха сирин оҕолорун талааннарын үрдүктүк сыаналаата. Бырайыак киэҥ далааһыннаахтык ыытылларын хайҕаата.
«Будущий дипломат – 2024» XVIII куонкурус түмүктэрэ:
Кыра лига
Дипломант 1 степенэ — Сергей Третьяков, Налимскай оскуолата, Орто Халыма улууһа;
Дипломант 2 степенэ — Нарыйа Васильева, Суотту, Уус Алдан;
Дипломант 3 степенэ — Кирилл Жирков, В.П. Ларионов аатынан Майа оскуолата, Мэҥэ Хаҥалас.
Улахан лига
Дипломант 1 степенэ — Федот Алексеев, Сунтаар политехническай лицей-интерната;
Дипломант 2 степенэ — Тимур Герц, Дьокуускай В.И. Кузьмин аатынан № 30 оскуола;
Дипломант 3 степенэ — Контогор-Егор Павлов, Арктика оскуолата.
