29 Кулун тутар 29.03
  • -12°
  • $ 92,26
  • 99,71

Бу ыйтан саҕалаан элбэх оҕолоох ыаллар ийэ хапытаалын суотугар биир кэмнээх төлөбүрү ылыахтарын сөп

Читайте нас на
Яндекс Новости
ЯДВ

Ыам ыйын 1 күнүттэн e-yakutia.ru порталга Саха сирин элбэх оҕолоох ыалларыттан «дьиэ кэргэн» регионнааҕы ийэ хапытаалын суотугар 30 тыһыынча солкуобайдаах биир кэмнээх төлөбүрдэри ыларга  сайабылыанньаны ылан саҕалыахтара, диэн СИА-ҕа Саха сиринээҕи Үлэ министиэристибэтин пресс-сулууспата иһитиннэрэр.

Бу өйөбүл миэрэтэ дьиэ кэргэн бастакы уочараттаах кыһалҕатыгар ийэ хапытаалын үбүн-харчытын туһанар кыахтанарыгар ананар.

Биир кэмнээх харчынан төлөбүрү өрөспүүбүлүкэтээҕи ийэ хапытаалы ылар бырааптара бу сыл ахсынньы 31 күнүгэр диэри үөскүүр буоллаҕына ылыахтарын син.  Төлөбүрү ыллахтарына ийэ хапытаалларына уопсай кээмэйэ кыччыыр. Оттон ыал урукку өттүгэр «Дьиэ кэргэн» диэн регионнааҕы ийэ хапытаалын үбүнэн туһана сылдьыбыт буоллаҕына, уонна счеттарыгар 30 тыһыынчаттан итэҕэс суума хаалбыт буоллаҕына, ордук хаалбын үптэрин ылыахтарын син.

Бу төлөбүрү ыларга дьиэ кэргэн олорор сирдэригэр баар социальнай көмүскэл салалтатыгар тиийэн билсиэхтэрин сөп. Сайабылыанньаны 10 үлэ күнүн устата көрүөхтэрэ. Үтүөнү биэрдэхтэринэ, үп сайабылыанньа биэрбит киһи ыйбыт Арассыыйа бааныгар аһыллыбыт счетка түһүөҕэ.

Санатан эттэххэ, 2022 сылтан үһүс оҕону төрөппүт (иитэ ылбыт) дьиэ кэргэн «регионнааҕы ийэ хапытаалын кээмэйэ үрдээн, 144 467 солк. тэҥнэһэр.

Бэлиэтээн эттэххэ, бу сокуон барылын элбэх оҕолоох ыаллары өйүүр сыаллаах, Саха сирин баһылыга Айсен Николаев кризиһи утары дьаһаллар чэрчилэринэн киллэрбитэ.

Следите за самым важным и интересным в Telegram-канале и WhatsApp-группе ЯСИА