СӨ Бырабыталыстыбатын бэрэссэдээтэлин бастакы солбуйааччы Дмитрий Садовников салалтатынан 2019-2025 сылларга дьону хаарбах, саахалланар туруктаах дьиэлэр көһөрүү бырагырааманан мунньах ыытылынна.
Мунньахха министиэристибэ уонна тутуу тэрилтэлэрин бэрэстэбиитэллэрэ кыттыыны ыллылар.
Мунньах кэмигэр Саха сирин кэккэ улууһугар 15 элбэх кыбартыыралаах дьиэ тутуутун хаамыытын көрдүлэр: Мэҥэ Хаҥаласка, Нерюнгригэ, Ньурбаҕа, Орто Халымаҕа, Уус Алдаҥҥа, Хаҥаласка, Эбээн Бытантайга. Бу эбийиэктэр үлэҕэ киирдэхтэринэ Саха сирин 1151 олохтооҕун олорор усулуобуйата туспар.
Бүгүҥҥү күҥҥэ эбийиэктэр улахан аҥаардара бэлэмнэрэ 90%-ны куоһарар. Дьиэлэр тутуута 2024 сыл бүтүөр диэри түмүктэнэрэ былааннанар. Сорох эбийиэктэргэ больдохтон хаалыы баара бэлиэтэннэ.
Дмитрий Садовников тутуу үлэтин хонтуруолун күүһүрдэргэ уонна эбйиэктэри болдьоҕор үлэҕэ киллэрэргэ соруйда. Ону таһынан, кини судаарыстыбаннай хантыраагынан бары сорудахтары толорууга кэһии тахсар түмүгэр ыстыраап көрүллэрин уонна хантыраак быһылларын бэлиэтээтэ.
НВК Саха ТГ-ханаала
This post was published on 15.10.2024 15:35 15:35