3 От ыйа 03.07
  • -7°
  • $ 104,68
  • 115,6

Бу өрөбүллэргэ Саха сирин хапсаҕайга чемпионата буолуоҕа

18:01, 06 апреля

Бу өрөбүллэргэ муус устар 9-10 күннэригэр Дьокуускай куорат «Модун» спортивнай комплексыгар , хапсаҕайга өрөспүүбүлүкэ чемпионата ыытыллыаҕа. Тустууктар уопсай уонна тус бэйэлэрин көрдөрүүлэригэр күрэхтэһиэхтэрэ, ону тэҥэ Федерация кубогар хайа хамаанда хапсыһарын быһаарыахтара, диэн СИА иһитиннэрэр.

Быйыл, күрэхтэһии кылаабынай судьуйата Андрей Яковлев иһитиннэрбитинэн, Петр Алексеев аатынан Саха сирин хапсаҕайга чемпионата Саха АССР тэриллибитэ 100 сылыгар анаммыт. Өрөспүүбүлүкэ бары оройуоннарыттан кэриэтэ бөҕөстөр кытталлара күүтүллэр.

Тустуу эр дьон ортолоругар 57, 65, 75, 85, 95 уонна 95 кг үөһэ ыйааһыннарга барыаҕа, ону тэҥэ бэтэрээнэргэ 60, 70, 80, 90 уонна 90 кг үөһэ ыйааһыннарга.

Хапсаҕайга өрөспүүбүлүкэ чемпионатын түмүгүнэн, Федерация кубогар кыттар сэттэ хамаанданы талыахатара. Биир кыттааччы номнуо биллэр — бу былырыыҥҥы кубок хаһаайына-Нам улууһа.

Көрөөччүлэри күрэхтэһиигэ мааска кэтэн киирэллэрэ ирдэнэр.
Следите за самым важным и интересным в Telegram-канале и WhatsApp-группе ЯСИА
0
0