13 От ыйа 13.07
  • 30°
  • $ 87,74
  • 95,76

Бу нэдиэлэҕэ сорох сиринэн +36 °C куйаас буолара күүтүллэр

Читайте нас на
Яндекс Новости
ЯДВ

Саха сирин сүрүн чааһыгар бу үлэ нэдиэлэтин устата кураан уонна куйаас күн туруоҕа. Бу туһунан гидрометеорология уонна тулалыыр эйгэ мониторинын Саха сиринээҕи управлениетын начальнигын солбуйааччы, гидрометсулууспа киинин начальнига Татьяна Маршалик иһитиннэрдэ.

«Саха сиригэр циклон барыаҕыттан ып-ыраас күн- дьыл туруоҕа. Өрөспүүбүлүкэ сиригэр- уотугар актыыбынай циклон суох. Ленскэй уонна Мирнэй оройуоннарыгар быстах этиҥнээх ардахтахтар кэннэ халлаан сылыйыа. Халыма-Индигир оройуоннарыгар балачча сөрүүн соҕус, онно +13 +18 °C кэриҥэ, ардахтаах буолуоҕа.

Атын сирдэргэ +27 °+32 °C кыраадыс сылаас, сорох сиринэн +36 ° C диэри сылыйыа»,-диэн Маршалик иһитиннэрдэ.

Маннык температура үлэ нэдиэлэтэ бүтүөр диэри күүтүллэр. Чугастааҕы сууккаҕа, от ыйын 26 күнүгэр, Мирнэйгэ, Ленскэйгэ, Усуйаанаҕа, Дьааҥыга, Томпоҕо, Өймөкөөҥҥө, Муомаҕа этиҥнээх ардах күүтүллэр.

Дьокуускайга оптуорунньукка күн- дьыл көрдөрүүтэ +28-30 °c сылаас.

Следите за самым важным и интересным в Telegram-канале и WhatsApp-группе ЯСИА
Тутаах тыллар