Саха сиригэр бу күннэргэ ардах, инчэҕэй хаар, тыал түһэрэ уонна 12 кыраадыска диэри тымныйара күүтүллэр диэн УГМС саайтыгар суруйаллар.
Бүгүн, балаҕан ыйын 20 күнүгэр, өрөспүүбүлүкэ киин улуустарыгар сөҥүүтэ суох күн туруоҕа. Онтон сорох улуустарга ардах, инчэҕэй хаар түһүөҕэ, өрөспүүбүлүкэ хоту улуустарыгар хаардыаҕа.
Халыма-Индигиир улуустарыгар сөкүүндэҕэ 9-14 миэтэрэ түргэннээх тыал түһэр күүтүллэр. Түүн -5…-10, күнүс +6…+11.
Балаҕан ыйын 21-22 күннэригэр Халыма-Индигиир улуустарыгар ардах, инчэҕэй хаар түһэрэ күүтүллэр. Арҕаа улуустарга кыралаан тардыаҕа, инчэҕэй хаар түһүөҕэ. Балаҕан ыйын 21 күнүгэр киин улуустарга сөҥүүтэ суох, балаҕан ыйын 22 күнүгэр кыра ардах түһэрэ күүтүллэр.
Саха сирэ
