48 сыл ынараа өттүгэр атырдьах ыйын 31 күнүгэр арҕаа Германия Мюнхен куоратыгар буолбут XX-с Олимпийскай оонньууларга саха бөҕөһө Роман Михайлович Дмитриев көҥүл тустууга кыһыл көмүс мэтээли ылары ситиспитэ.
Ити олимпиадаҕа сэбиэскэй атлеттар 50 кыһыл көмүс мэтээли ылбыттара. Онтон биэһин тустууктар, ол иһигэр бастакы кыһык көмүс мэтээли саха бөҕөһө Роман Дмитриев саамай чэпчэки ыйааһыҥҥа (48 киилэҕэ диэри) аҕалта. Чөмпүйүөннэр ааттара кыһыл көмүс буукубанан сэбиэскэй уонна аан дойду успуордун историятыгар үйэ-сааска суруллубуттара.
Былырыын Роман Михайлович кэргэнэ Антонина Дмитриева Национальнай бибилэтиэкэҕэ тус коллекциятыттан сэдэх кинигэлэри уонна сурунааллары бэлэхтээбитэ. Олор истэригэр 1972 сыллаах дойду олимпийскай сборнайын туһунан аҕыйах ахсаанынан тахсыбыт кинигэ ураты сыаналааҕынан буолар. Сорох сурунаалларга Роман Дмитриев бэйэтин бэлиэтээһиннэрэ бааллар. Роман Дмитриев тус бибилэтиэкэтэ Дьокуускайга Москваттан кэлбитэ. Бу туһунан Национальнай бибилэтиэкэ иһитиннэрэр.
This post was published on 31.08.2020 16:01 16:01