Британиятааҕы The Daily Mail таблоид Саха сиригэр уһуллубут роликка анаан ыстатыйа таһаарда. Манна -48 кыраадыс тымныыга таһырдьа оонньуу сылдьар саха оҕолорун туһунан суруллар.
Ыстатыйа дьон болҕомтотун тарта, элбэх комментарий сурулунна.
«Санаан көрүҥ: арай бу Лондон буоллун, сиргэ биир хаар түстэҕинэ — оскуолалар сабыллыахтар этэ», — Lanalou ааҕааччы суруйар.
«Биһиэхэ олохтоох оскуолалар үлэлэрин тохтотоллор, бэрт кыратык хаар түстэҕинэ», — диэн суруйар lostinspace67.
«Россия оҕолоро биһиги устудьуоннарбытынааҕар күүстээхтэр уонна тулуурдаахтар», — диир john mac.
«Сибиряктар тоһоҕо курдук кытаанахтар. Мин тус бэйэм термометр столбига нуултан кыратык түстэ да ынчыктаан барабын» — эбэн биэрдэ Laurence Henson.
«Өскөтүн кинилэргэ температура нуултан таһаарда даҕаны «тепловой удар» ылар буолуохтаахтар», — сабаҕалаата Ichigodragon.
Ааспыт нэдиэлэҕэ Дьааҥы уонна Өймөкөөн улуустарыгар салгын туруга -50 тиийэ түспүтэ. Үгүс оройуоттарга бу кэмҥэ -45 кыраадыһы термометр көрдөрбүтэ.
Источник: РИА Новости
